კატარიდან ბლოგერები და ინფლუენსერები საქართველოს ტურისტულ პოტენციალს გაეცნენ

საქართველოს ტურიზმის ეროვნულმა ადმინისტრაციამ კატარიდან პოპულარულ ბლოგერებსა და ინფლუენსერებს უმასპინძლა. პრესტურის მონაწილეებმა თბილისი, მცხეთა, ყაზბეგი, ბორჯომი, წალკა, დაშბაშის კანიონი დაათვალიერეს. ჯგუფის წევრებისთვის კულინარიული მასტერკლასები გაიმართა.

ბლოგერებმა და ინფლუენსერებმა საქართველოს ტურისტული მიმართულების, კულტურის, კულინარიის, სპა და სამთო კურორტების შესახებ სოციალურ ქსელებში ბლოგები, პოსტები, ვიდეორგოლები და სთორები მოამზადეს. პრესტურის მიზანია კატარში საქართველოს ტურისტული მიმართულების შესახებ ცნობადობის ამაღლება და ახლო აღმოსავლეთის ქვეყნებიდან ტურისტული ნაკადების გაზრდა.

საქართველოში კატარიდან პოპულარული ბლოგერების და ინფლუენსერების პრესტური საქართველოს საელჩოსთან თანამშრომლობით განხორციელდა.