საქართველოს საელჩოს საქმეთა დროებითმა რწმუნებულმა თეიმურაზ კერესელიძემ გაცნობითი ხასიათის შეხვედრა გამართა კატარის საგარეო საქმეთა სამინისტროში
2023 წლის 20 სექტემბერს საქართველოს საელჩოს საქმეთა დროებითმა რწმუნებულმა თეიმურაზ კერესელიძემ გაცნობითი ხასიათის შეხვედრა გამართა კატარის საგარეო საქმეთა სამინისტროში, საგარეო საქმეთა სამინისტროს პროტოკოლის დეპარტამენტის დირექტორთან ელჩთან ბატონ იბრაჰიმ იუსიფ აბდულა ფახროსთან (Ambassador Ibrahim Yousif Abdullah Fakhro).
შეხვედრის დროს საქმეთა დროებითმა რწმუნებულმა მადლობა გადაუხადა კატარის საგარეო საქმეთა სამინისტროს პროტოკოლის დეპარტამენტის დირექტორს კატარში საქართველოს საელჩოსთან წლების განმავლობაში არსებული მჭიდრო თანამშრომლობისთვის და გამოთქვა მომავალი ნაყოფიერი თანამშრომლობის იმედი.
