ვებ-გვერდი მუშაობს განახლების რეჟიმში
 

 



საქართველოს საგარეო საქმეთა სამინისტრო

 

რუსეთის საგარეო საქმეთა სამინისტროს წარმომადგენლის განცხადებით, 2017 წლის 18-19 აპრილს საქართველოს ოკუპირებულ აფხაზეთის რეგიონს „ვიზიტით" ეწვევა მინისტრი სერგეი ლავროვი. საოკუპაციო რეჟიმის წარმომადგენლებთან შეხვედრის პარალელურად, იგი მონაწილეობას მიიღებს ოკუპირებულ რეგიონში რუსეთის ფედერაციის ე.წ. საელჩოს ახალი შენობის გახსნის საზეიმო ღონისძიებაში.

განთავსების თარიღი: 18.04.2017
 

2017 წლის 12 მარტს ოკუპირებულ აფხაზეთის რეგიონში ტარდება ე.წ. საპარლამენტო არჩევნები. აღნიშნული ქმედება წარმოადგენს ეთნიკური წმენდის არაერთი ტალღის, სამხედრო ინტერვენციის, ოკუპაციისა და საქართველოს სახელმწიფოებრიობის წინააღმდეგ მიმდინარე რუსეთის აგრესიის შედეგების ლეგიტიმაციის მორიგ მცდელობას. შესაბამისად, საერთაშორისო სამართლის თანახმად, ოკუპირებულ ტერიტორიებზე ჩატარებული ნებისმიერი ე.წ. არჩევნები თუ რეფერენდუმი არის უკანონო და ვერ წარმოშობს ვერანაირ სამართლებრივ შედეგს.

განთავსების თარიღი: 14.03.2017
 

საგარეო საქმეთა სამინისტრო გმობს რუსეთის საოკუპაციო რეჟიმის მიერ აფხაზეთის რეგიონის სოფლებში, ნაბაკევსა და ოტობაიაში, ე.წ. გადასასვლელი პუნქტების დახურვის ფაქტს. ნიშანდობლივია, რომ 2016 წლის განმავლობაში საოკუპაციო რეჟიმის წარმომადგენლებმა დახურეს თაგილონისა და ლეკუხონას სოფლების ე.წ. გადასასვლელი პუნქტები, ხოლო 2017 წლის 5 მარტს გააუქმეს კიდევ ორი ე.წ. გადასასვლელი პუნქტი.

განთავსების თარიღი: 06.03.2017
 

06.02.2017 - ​2017 წლის 5-7 თებერვალს საქართველოს საგარეო საქმეთა სამინისტროს დელეგაცია, მინისტრის პირველი მოადგილის დავით ზალკალიანის ხელმძღვანელობით სამუშაო ვიზიტით ეწვია კატარის სახელმწიფოს.

განთავსების თარიღი: 07.02.2017
 

07.02.2017 - 2017 წლის 5-7 თებერვალს საქართველოს საგარეო საქმეთა სამინისტროს დელეგაცია, მინისტრის პირველი მოადგილის დავით ზალკალიანის ხელმძღვანელობით სამუშაო ვიზიტით ეწვია კატარის სახელმწიფოს.

განთავსების თარიღი: 07.02.2017
 

მოგახსენებთ, რომ საქართველოს მთავრობის 2015 წლის 5 ივნისის N255-ე დადგენილებაში შეტანილ იქნა ცვლილება და იმ ქვეყნების ჩამონათვალს, რომელთა მოქალაქეებსაც შეუძლიათ საქართველოში უვიზოდ შემოსვლა, დაემატა იორდანიის ჰაშიმიტური სამეფო.

განთავსების თარიღი: 26.01.2017
 

ძვირფასო თანამემამულეებო,

გაცნობებთ, რომ 2016 წლის 20 დეკემბრიდან 2017 წლის 10 იანვრამდე, საზღვარგარეთ საქართველოს დიპლომატიურ წარმომადგენლობებსა და საკონსულო დაწესებულებებში საქართველოს მოქალაქეებს ელექტრონული პირადობის მოწმობის აღება შეუძლიათ საფასურის გადახდის გარეშე (30 აშშ დოლარი), ხოლო ბიომეტრიული პასპორტის აღების შემთხვევაში შეუძლიათ ისარგებლონ 50 %-ანი შეღავათით (საფასური, შეღავათის გათვალისწინებით, შეადგეს 65 აშშ დოლარს, ნაცვლად, ჩვეულებრივ, 130 აშშ დოლარისა).

 

განთავსების თარიღი: 21.12.2016
 

საქართველოს დამოუკიდებლობის აღდგენის 25 წლისთავის საიუბილეო აღნიშვნასთან დაკავშირებით, 12 ნოემბერს კატარას ოპერის თეატრში, გაიმართა გალა კონცერტი Stars of Georgia - A Musical Soiree ქართველი ვარსკვლავების, ნანი ბრეგვაძის, ეკა მამალაძის, ანსამბლი „ქართული ხმების" და პიანისტ დავით მაზანაშვილის მონაწილეობით.

განთავსების თარიღი: 13.11.2016
 

საქართველოს საელჩოსა და კატარას კულტურულ ფონდს (Katara Cultural Village Foundation) შორის თანამშრომლობით 2016 წლის 12 ნოემბერს კატარას ოპერის თეატრში დაგეგმილ გალა კონცერტთან Stars of Georgia - A Musical Soiree და საქართველოს დამოუკიდებლობის აღდგენის 25 წლის აღნიშვნასთან დაკავშირებით წამყვანმა კატარულმა გაზეთმა Gulf-Times 2016 წლის 2 ნოემბერს გამოაქვეყნა ინტერვიუ საქართველოს საგანგებო და სრულუფლებიან ელჩთან კატარის სახელმწიფოში, ქალბატონ ეკატერინე მეიერინგ-მიქაძესთან.

განთავსების თარიღი: 03.11.2016
 

საქართველოს საელჩოსა და კატარას კულტურულ ფონდს (Katara Cultural Village Foundation) შორის თანამშრომლობით 2016 წლის 12 ნოემბერს საღამოს 19 საათზე კატარას ოპერის თეატრში გაიმართება გალა კონცერტი Stars of Georgia - A Musical Soiree, რომელშიც მონაწილეობას მიიღებენ ქართველი ვარსკვლავები ნანი ბრეგვაძე, ეკა მამალაძე, ქართული ხმები და პიანისტი დავით მაზანაშვილი.

განთავსების თარიღი: 02.11.2016
 

ელჩის ბიოგრაფია

 

კვ ორ სა ოთ ხუ პა შა
            1
2 3 4 5 6 7 8
9 10 11 12 13 14 15
16 17 19 20 21 22
23 24 25 26 27 28 29
30            

 
საავტორო უფლებები დაცულია © 2005-2009 | საქართველოს საგარეო საქმეთა სამინისტრო
დამზდებულია ITDC–ის მიერ