საიტზე მიმდინარეობს ტექნიკური სამუშაოები

ტრეფიკინგის წინააღმდეგ ბრძოლა

ადამიანით ვაჭრობა (ტრეფიკინგი) არის მონობის თანამედროვე ფორმა, ადამიანის უფლებების უხეში დარღვევა. ეს არის სიდიდით მეორე დანაშაულებრივი ინდუსტრია მსოფლიოში. ის ეფუძნება ექსპლოატაციის მიზნით ადამიანთა გადაბირებას, გადაყვანას, გადაცემას, მუქარის და ძალის გამოყენებით ან იძულების სხვა საშუალებებით (მოტაცება, თაღლითობა), ან სხვისი უმწეო მდგომარეობის ბოროტად გამოყენებით, კონტროლის განხორციელებას სხვა ადამიანზე, სქესობრივ ექსპლოატაციას, იძულებით შრომას ან მომსახურებას, მონობას ან მონობის მსგავს მდგომარეობას და ორგანოთა ვაჭრობას.

ხსენებული დანაშაულის წინააღმდეგ ეფექტური ბრძოლის, მისი პრევენციის, მსხვერპლთა დაცვისა და ეფექტური გამოძიების მიზნით საქართველოში წლების მანძილზე დინამიურად ხორციელდება მთელი რიგი ღონისძიებები. შექმნილია ადამიანის ვაჭრობის მსხვერპლთა, დაზარალებულთა დაცვისა და დახმარების სახელმწიფო ფონდი (http://www.atipfund.gov.ge/) რომელიც უზრუნველყოფს მსხვერპლთა თავშესაფრითა და შესაბამისი სარეაბილიტაციო პროგრამებით. სახელმწიფო ფონდს გააჩნია ცხელი ხაზი (+995 32) 2 100 229.

ამასთან, გთხოვთ, გაეცნოთ იმ რჩევებს, რომელიც დაკავშირებულია თქვენი უფლებების დაკანონიერი ინტერესების დაცვასთან:

რჩევები საზღვარგარეთ წასვლის მსურველთათვის:

თუ თქვენ აპირებთ წასვლას საზღვარგარეთ, ნუ ჩაიგდებთ თავს საფრთხეში. დაიცავით უსაფრთხოების ზომები და გამოიჩინეთ განსაკუთრებული სიფრთხილე, რათა არ გახდეთ ტრეფიკინგის მსხვერპლი. ბრმად ნუ ენდობით დაპირებებს უცხოეთში სწავლასთან, მუშაობასთან და დასვენებასთან დაკავშირებით. ნუ ენდობით პირებს, რომელიც გპირდებიან ვიზით უზრუნველყოფას საკონსულოში თქვენი პირადად გამოცხადების გარეშე.

გახსოვდეთ, რომ უცხოეთში არალეგალური გზით გამგზავრება კანონსაწინააღმდეგო ქმედებაა და სერიოზულ რისკთან არის დაკავშირებული.

ნუ გადასცემთ პირადობის დამადასტურებელ დოკუმენტს სხვას.

წინასწარ გადაამოწმეთ დამსაქმებლის მიერ შემოთავაზებული სამუშაოს შესახებ ინფორმაცია. მოითხოვეთ თქვენი დამსაქმებლის ან სასწავლებლის საკონტაქტო მონაცემები.

თუ თქვენ გაქვთ საზღვარგარეთ სამუშაო მიზნით გამგზავრება/ ყოფნა, გახსოვდეთ, რომ თქვენი კანონიერი უფლებების და ინტერესების დაცვას მხოლოდ შრომითი კონტრაქტის საფუძველზე შეძლებთ. არ დათანხმდეთ შრომით ურთიერთობაში შესვლის შესაბამისი ხელშეკრულების გაფორმების გარეშე.

გახსოვდეთ!

დანიშნულების სახელმწიფოში ჩასვლისთანავე დაუყონებლივ აცნობებთ საქართველოს საელჩოს ან საკონსულო დაწესებულებას თქვენი ადგილსამყოფელის შესახებ და დადექით საკონსულო აღრიცხვაზე.

თუ თქვენ ტრეფიკინგის მსხვერპლი ხართ და საჭიროებთ დახმარებას:

თუ თქვენ ადამიანის ვაჭრობის (ტრეფიკინგის) მსხვერპლი გახდით მიმართეთ ადგილსამყოფელ სახელმწიფოში საქართველოს დიპლომატიურ წარმომადგენლობას ან საკონსულო დაწესებულებებს, რომელიც დაიცავს თქვენს უფლებებსა და კანონიერ ინტერესებს, სიცოცხლეს, ადგილსამყოფელ სახელმწიფოში და უზრუნველყოფს თქვენს უსაფრთხო დაბრუნებას სამშობლოში.

თუ თქვენ იმყოფებით ქვეყანაში, სადაც არ არის საქართველოს საელჩო ან საკონსულო დაწესებულება, თქვენ უნდა მიმართოთ ადგილსამყოფელი ქვეყნის სამართალდამცავ ორგანოებს ან ადგილსამყოფელ ქვეყანაში ადამიანის უფლებების დაცვის საკითხებზე მომუშავე ორგანიზაციებს ან დაგვიკავშირდეთ საქართველოს საგარეო საქმეთა სამინისტროს ცხელი ხაზის ტელეფონის ნომერზე.

ტრეფიკინგის მსხვერპლად აღიარებული პირი სარგებლობს სახელმწიფოს განსაკუთრებული მფარველობით, სარგებლობს სამედიცინო, ფსიქოლოგიური და სხვა სახის დახმარებით.

თუ თქვენი უფლებები და ინტერესები იქნება შელახული, გთხოვთ, დაუყოვნებლივ დაგვიკავშირდეთ:

   საქართველოს საგარეო საქმეთა სამინისტროს საკონსულო დეპარტამენტი:

  • მისამართი:    თბილისი, შ. ჩიტაძის ქუჩა 4;
  • (+ 995 32) 294 50 50   -   სამუშაო საათებში - 09:30 დან- 18:30 სთ-მდე;
  • (+ 995) 577 98 40 20   -   ცხელი ხაზი გადაუდებელ და ფორს-მაჟორულ შემთხვევებში - 24 საათის განმავლობაში;
  • ელ. ფოსტით:       [email protected]

   საქართველოს საელჩო კატარის სახელმწიფოში:

  • მისამართი:    Zone 66, Al Rum Ram street 835, building 9;
  • (+ 974) 4473 9499;
  • (+ 974) 3322 3549 - ცხელი ხაზი - 24 საათის განმავლობაში;
  • ელ. ფოსტით:       dohaemb@mfa.gov.ge

კატარში ტრეფიკინგის წინააღმდეგ ბრძოლის საკითხებთან დაკავშირებით კომპეტენტური ორგანიზაციაა - ტრეფიკინგთან ბრძოლის ეროვნული კომიტეტი (National Committee to Combat Human Trafficking), რომელიც ფუნქციონირებს კატარის ადმინისტრაციული განვითარების, შრომისა და სოციალურ საქმეთა სამინისტროსთან (Ministry of Administrative Development, Labour and Social Affairs):


ტრეფიკინგთან დაკავშირებით საქართველოში კომპეტენტური ორგანოებია:

  • საქართველოს იუსტიციის სამინისტრო - ადამიანით ვაჭრობის (ტრეფიკინგის) წინააღმდეგ მიმართული ღონისძიებების განმახორციელებელი საუწყებათაშორისო საკოორდინაციო საბჭო:   http://www.justice.gov.ge/Ministry/Department/309;
  • ადამიანით ვაჭრობის (ტრეფიკინგის) მსხვერპლთა, დაზარალებულთა დაცვისა და დახმარების სახელმწიფო ფონდი:   http://www.atipfund.gov.ge/index.php/ka/news;
  • საქართველოს მთავარი პროკურატურა
უწყებათაშორისი საკოორდინაციო საბჭო:     http://pog.gov.ge/geo/trafficking?info_id=44;
სახელმწიფო ფონდი:    http://pog.gov.ge/geo/trafficking?info_id=43
სამოქმედო გეგმა:    http://pog.gov.ge/geo/trafficking?info_id=42;
ეროვნული რეფერალური მექანიზმი:     http://pog.gov.ge/geo/trafficking?info_id=38;
საერთაშორისო თანამშრომლობა:    http://pog.gov.ge/geo/international?info_id=14;

ასევე იხილეთ ევროპის კომისიის ვებგვერდის ბმული, სადაც მოცემულია ევროპის კავშირის წევრი ქვეყნების ანგარიშები/სამოქმედო მექანიზმები ტრეფიკინგის საკითხებთან მიმართებაში: https://ec.europa.eu/anti-trafficking/member-states/.


იხილეთ მიმაგრებული ფაილები:

PDF ბროშურა
PDF ფლაერი